Clocxkens winde es tweederleye/ Groot ende Cleyne. Die Groote wint huer selven om die haghen tuynen ende boomen ende heeft groote bladeren ende bloemen. Die Cleyne cruypt meest lancx der aerden ende es veel minder van bladere ende bloemen.
1554/1557: Campanula, Coniugulum, Funis arborum, Ligustrum album de Virgile, Liseron, Liseron blanc (grand), Liset, Lizet, Milax, Smilax levis, Smilax levis alba maior, Volubilis, Volubilis maior, Weiszglocken (grosz), Winde, Winde (groote), Winde (groote Clocxkens-), Windenkraut (grosz), Wranghe
1 Die groote Clocxkens winde heeft dunne ende teere stelen ende rancxkens rontsomme die boomen ende tuynen ghelijck Hoppe huer selven windende. Daer aen weecke gruene effene bladeren wassen/ den bladeren van Veyl volnaer ghelijck maer dunder ende weecker. Die bloemen sijn groot/ wit/ hol/ ghelijck clocxkens ghefatsoeneert. Ende als die gheresen sijn zoo comen daer besloten knoppekens voort/ daer in swert hoeckachtich saet leyt. Die wortel es dun wit ghelijck vele dicke draeyen binnen der aerden cruypende en tot veel plaetsen uutscietende/ luttel bitter van smaecke ende vol wit saps.
Convolvulus arvensis - Akkerwinde
Zie alle foto's van Bioweb Plantengids
Smilax lenis minor (Volubilis minor), cleyne Clocxkens winde
[428] sade ende wortelen seer ghelijck alleen in alle saken veel mindere ende meest lancx der aerden cruypende. Die stelen sijn dun ende effen/ die bladerkens teer ende weeck/ die bloemen ghelijck cleyne clocxkens van coluere lijfverwich/ ende dat saet ghehoeckt ghelijck saet van den anderen.
Plaetse
1 Groote Clocxkens winde wast aen die tuynen/ haghen ende hegghen schier in alle hoven.
2 Cleyne Clocxkens winde wast op die corenvelden sonderlinghe tusschen die stoppelen/ ende somtijts oock tusschen die Havere oft Gerste.
Tijt
Beyde dese cruyden bloeyen meest in Braeckmaent ende in Hoymaent.
Naem
Clocxkens winde wordt gheheeten in Griecx Smilax leia/ van Galenus Milax. In Latijn Smilax lenis. In die Apoteke Volubilis/ van sommighen Campanula en Funis arborum. In Duytsch Winde ende Wranghe. In Franchois Liset ou Liseron.
1 Dat Groot gheslacht heet in die Apoteke Volubilis maior. In Hoochduytsch Grosz winden kraut ende Grosz weisz glocken. In Neerduytsch Groote clocxkens winde ende Groote winde.
2 Dat Cleyn gheslacht heet Volubilis minor. In Hoochduytsch Klein winden kraut. Hier te lande Cleyne clocxkens winde. In Franchois Campanette ou Vitreole.
Natuere
Clocxkens winde es werm ende drooghe van natueren.
Cracht ende werckinghe
Dese Winden en sijn in der medecynen niet dienstelijck oft profijtelijck als Galenus ende Plinius scrijven.