Tfatsoen
Triticum dicoccum - Emmer
|
Olyra, Arinca, Homiopyros, Amelcoren
- 1644 Vlaams: Amelkoren
- 1616 Latijn: Amyleum frumentum [494]
- 1554/1557: Amelcoren, Ammelkorn, Arinca, Olyra
|
[497] Amelcoren es een gheslachte als Dioscorides seyt van Spelte ende dit es oock van halmen/ knoopen ende wassse der Terwe ghelijck/ maer die aren en sijn niet bloot ghelijck die aren van Terwe/ maer sijn rouw ende hebben veel stekende vlimmen ghelijck die aren van Gerste. Dat graen oft coren leyt oock in vellekens besloten ghelijck die Spelte/ ende alst van sijn vellekens ghelijck die Spelte ghesuyvert es dan eest oock eenen terwen coren seer ghelijck.
Plaetse
Dit coren wast tot veel plaetsen van Duytschlant.
Tijt
Dit coren wordt oock voor den winter ghesaeyt ende in Hoymaent ghemaeyet.
Naem
Dit cruyt wordt gheheeten in Griecx Olyra. In Latijn van Plinius lib.xviii.cap.x Arinca/ van Theophrastus Homiopyros. In Hoochduytsch Ammelkorn/ dat es Amelcoren in onse tale.
Ende dit coren en wordt in Latijn niet Siligo ghenaemt als sommighen meynen die voor dat Griecx woordt Olyra in Latijn Siligo qualick overghesedt hebben/ als breeder in onse Historia frugum verclaert es.
Natuere ende cracht
A Dit coren ghelijck het een gheslacht van Spelte es/ zoo eest hem oock van natueren |