Leesmaar.nl
Dodoens en andere bijzondere boeken

Sitemap
Index

Plantaardigheden.nl
Artikelen over planten

Leeswerk.nl
Plantenboeken opengelegd

Voorwerk Nederlandse, Duitse, Franse, apothekers-, Latijnse en Griekse namen

Deel 1

Deel 2

Deel 3

Deel 4 Corenen, Legumina, Distelen ende dyerghelijcke
Planten Alfabetisch

Deel 5

Deel 6

Acanthus spinosus - Doornige berenklauw - Acanthus, wilde

• 1644 Vlaams: Acanthus (Wilden oft Stekenden)
• 1616 Latijn: Acanthus silvestris [719]
• 1554/1557: Acanthus sauvage, Acanthus sylvestris, Acanthus (wilden

Zie

• Acanthus spinosus

Kijk eens

Informatie en verkrijgbaarheid op Plantago

• https://plantago.nl/plantindex/plant/BO/A/1/
  acanthus-spinosus/24.html

op internet

• ttps://duckduckgo.com/?t=ffab&q=
  Acanthus+spinosus&iax=images&ia=images

• Cruijdeboeck deel 4 capitel 53 Bladzijde 562

Tgheslacht

Beerenclauw die in Griecx ghenaemt es Acanthos es tweederleye als Dioscorides scrijft Tam ende wildt.

• Cruijdeboeck deel 4 capitel 53 Bladzijde 563

Tfatsoen

[563]   1   Die tamme Acanthus heeft groote/ breede/ swertgruene vette/ effene bladeren/ die rontsomme diep ghesneden ende ghecloven sijn/ ghelijck die bladeren van wit Mostaertcruyt. Die steel es lanck/ vinghers dick/ met langhen stekenden bladerkens tot boven toe beset/ tusschen den welcken schoone witte bloemkens wassen/ ende daer naer breede hauwkens daer in geel saet leyt. Die wortelen sijn taeye ende lijmachtich/ root ende lanck.

2   Die wilde Acanthus es den Artichauts ghelijck/ rouw ende stekende/ minder dan den voorghescreven als Dioscorides scrijft/ ende dese Acanthus es noch ter tijt onbekent.

Plaetse

Die tamme Acanthus wast in die hoven/ ende in steenachtighe ende vochtige plaetsen als Dioscorides scrijft. Hier te lande en wordt hy niet ghevonden/ dan in der cruytliefhebbers hoven.

Tijt

Tamme Acanthus bloeyet hier te lande in Braeckmaent ende in Hoymaent.

Naem

1   Dat tam gheslacht wordt gheheeten in Griecx Acanthos ende Acantha. In Latijn Acanthus ende Acantha/ van sommighen Paederota, Herpacantha, Melamphyllon, Topiaria, Mamolaria, ende Craepula. In die Apoteken van Italien Branca ursina/ ende daer naer in Hoochduytsch Bernklaw. In Neerduytsch Beerenclauw. In Franchois Branche ursine. In die Apoteken hier te lande eest onbekent/ die daer voor nemen/ ende ghebruycken dat cruyt dat in naestvolghende capittel bescreven es.

2   Dat wildt gheslacht wordt van Dioscorides ghenaemt Acanthus sylvestris/ dat es wilden Acanthus.

Natuere

Die wortel van Acanthus es drooghe/ ende middelmatich verwermende.

Cracht ende werckinghe

A   Die wortelen van Acanthus inghedroncken lossen die urine/ doen water maken/ ende stoppen den buycx loop/ ende sijn seer goet ghebruyckt den ghenen die in eenich ledt den cramp hebben/ die van binnen ghequetst oft gheborsten sijn. Ende den ghenen die gheneycht sijn tot uutdrooghen/ ende op die longhene ghebreck hebben.

B   Deser wortelen gruen ghestooten sijn goet gheleyt op die verbrantheyt/ ende op die leden die uut huer ledt ende ioncturen gheweest hebbe/ ende dijsghelijck oock op die handen ende voeten daer tfledercijn in es.

2
C   Den wilden Acanthus es den tammen van crachten ghelijck als Dioscorides scrijft.