[596] dun ontrent een palme hooch/ die dickwils met den sade ende bloemen/ ende oock somtijts met den bladeren schoon bloet root gevonden worden. Die wortel es dun ende teer.
Rumex hydrolapathum - Waterzuring
Bioweb
|
Hippolapathon, Hippolapathum, Lapathum magnum, Rumex palustris
- 1644 Vlaams: Patich (Groot oft Water-)
- 1616 Latijn: Hippolapathum sive Rhabarbarum monachorum [648]
- 1554/1557: Hippolapathum, Lapathum magnum, Parelle de marez, Parelle (grande), Patich (groote), Patich (Water-), Rumex palustris, Wasserampffer
|
5 Tvijfste gheslacht dat in die staende wateren ende grachten wast heeft groote langhe herde bladeren/ den bladeren van Patich seer ghelijck maer veel meerder. Die stelen sijn ront/ ende wassen vier oft vijf oft meer voeten hooch/ daer aen bloemen ende saet voortcomen gelijck aen die Patich. Die wortel es dick ende van binnen bleeck roodachtich.
Plaetse
1 Patich wast in natte vochtighe beempden ende neere broeken.
2 Patientie wordt hier te lande in die hoven ghesaeyet.
3 Tderde gheslacht groeyet op dorre plaetsen ende by den weghen. Die Roode Patich wordt in sommighe moeshoven ghevonden.
4 Surckele wordt meest in die hoven ghesaeyet/ wordt nochtans oock ghevonden in sommighe beempden ende donckere plaetsen. Scaeps Surckele wast gheerne op drooghe velden.
5 Dat vijfste gheslacht groeyet in die grachten ende staende wateren/ ende wordt hier te lande veel ghevonden.
Tijt
Alle dese gheslachten van Lapathum bloeyen in Braeckmaent ende in Hoymaent.
Naem
Alle dese cruyden worden onder eenen naem begrepen. In Griecx Lapathon. In Latijn Rumex ende Lapathum. In die Apoteke Lapatium.
1 Dat ierste gheslacht heet in Griecx Oxylapathon. In Latijn Rumex acutus. In die Apoteke Lapatium acutum. In Hoochduytsch Mengelwurtz/ Grindtwurtz/ Streiffwurtz/ zitterwurtz/ hier te lande Patich/ ende tot sommige plaetsen Peerdick. In Franchois Parelle.
2 Dat tweede gheslacht wordt gheheeten Lapathon hemeron. In Latijn Rumex sativus/ van sommighen nu ter tijt Rhabarbarum monachorum/ van Galenus oock Hippolapathon. Hier te lande Patientie. In Franchois La pacientie.
3 Tderde gheslacht es ghenaemt in Griecx Lapathon agrion. In Latijn Lapathum sylvestre/ dat es in Duytsch wilde Patich. In Franchois Parelle saulvage.
B Dat root wordt gheheeten in Latijn Lapathum nigrum/ ende nu ter tijt van sommighe Sanguis draconis. In Duytsch Draken bloet. In Franchois Sang du dragon.
4 Tvierde geslacht heet in Griecx ende Latijn Oxalis. In die Apoteke Acetosa. In Hoochduytsch Saur ampffer. In Neerduytsch Surckele. In Franchois Oreille ou salette.
B Dat cleyn van desen gheslachte wordt gheheeten Oxalis parva. In die Apoteken Acetosella. In Hoochduytsch Kleyn Saurampffer. Hier te lande Scaeps Surckele ende velt Sulckele. In Franchois petite Oreille en petite Salette/
5 Tvijfste gheslacht dat in die grachten wast heet in Griecx Hippolapathon. In Latijn Hippolapathum/ oft Lapathum magnum/ oft Rumex palustris. In Hoochduytsch Wasser ampffer. Hier te lande Groot patick oft Water patick. In Franchois Parelle deaue.
Natuere
Dese cruyden sijn in coude ende in wermte redelick getempert/ maer drooch van natueren tot schier in den derden graedt/ sonderlinge dat saet/ dat oock tsamen treckende es.
Cracht ende werckinghe
A Die bladeren van allen dese cruyden ghesoden ende voor spijse inghenomen maken saechten camerganck ende den buyck
weeck. Tselve doet oock het water daer sy in ghesoden sijn ghedroncken.
B Die bladeren gruen ghestoten met olie van Roosen ende wat Sofferaens vermenght verteeren ende doen vergaen die saechte
apostumatien ende gheswillen van den hoofde daer op gheleyt.
C Tsaet van Patich ende van Surckele met water oft wijn ghedroncken stopt den loop des buycx ende gheneest dat root melizoen/ ende beneemt dat walghen van den magen.
D Dit selve saet es oock seer goet tseghen die beet ende steeck van den scorpioenen/ alzoo |