|
Tfatsoen
Sium sisarum - Suikerwortel
|
Sisaron, Sisarum, Siser, Servillum, Servilla, Chervilla, Suycker wortelkens (Serillen)
- 1644 Vlaams: Serillen, Suyckerwortelen
- 1616 Latijn: Sisarum [681]
- 1554/1557: Chervilla, Chervy cultivé (petit), Gerlin, Gierlin, Rapuntzel (zam), Serillen, Servilla, Servillum, Sisarum, Siser, Suyckerwortelkens
|
[644] Suycker wortelen hebben rondachtighe stelen/ ende ghesneden rontsomme ghekerfde bladerkens veel aen een steelken wassende/ den bladeren van Moren niet seer onghelijck/ maer veel minder ende caelder. Die bloemen wassen op croonkens ende sijn wit/ ende daer naer comet saet dat breedachtich es. Die wortelkens sijn wit ende ontrent eenen vingher lanck/ ende hanghen veel by een/ ende sijn van smaecke suet ende liefelijck om eten.
Plaetse
Dese wortelkens wordden in die hoven gheplant.
Tijt
Dese wortelkens worden in die Meerte uut der eerden ghenomen ende ghegheten/ ende dan worden die aldercleynste van den selven wederom gheplant/ die tseghen dat naeste iaer goet worden ende bequaem om eten. Ende alsmen dese wortelkens laet staen sonder verplanten/ zoo brenghen sy bloemen ende saet in Hoymaent ende Ooghstmaent.
Naem
Dese wortel wordt gheheeten in Griecx Sisaron. In Latijn Siser ende Sisarum/ ende daer naer van sommigen Servillum, Servilla oft Chervilla. In Hoochduytsch Gerlin/ Gierlin/ ende van sommighen Zam Rapuntzel. In Neerduytsch Suycker wortelkens/ ende Serillen. In Franchois Cheruy petite.
Natuere
Suycker wortelkens zijn werm ende droogh van natueren tot in den tweede graedt.
Cracht ende werckinghe
A Suycker wortelkens ghesoden ende ghegheten/ sijn der maghen goet/ maken appetijt ende doen water lossen. |