Van de gheslachten van Winde, Klockskens ende dierghelijck ghewas, dat sich om eenighe bijstaende dinghen vlecht, windt oft anders vast maeckt
PlantenAlfabetisch
Nae de schadelijcke ende doodelijjcke cruyden, sullen wy bequaemelijck de geslachten van 't Varen-cruydt, van het Mosch, ende van de Campernoelien stellen ende beschrijven : de welcke den mensche wel meestendeel niet heel hinderlijck oft doodelijck en zijn, nochtans schaden sy hem dickwijls, oft ten minsten zijn hem in veeIe dinghen moeyelijck, lastigh, ende overtolligh, oft nerghens toe nut ende bequaem. De gheslachten van dit Varen zijn rnenigerhande; als oock de geslachten van Mosch : de Campernoelien verschillen oock seer veel van malkanderen. Maer alle de soorten van Varen hebben dat eyghens in haer, dat sy noch bloemen noch saedt voort en brenghen : 't selve ghebreck hebben de Campernoelien oock; ende van ghelijcken oock veele soorten (doch niet alle) van die cruyden diemen onder 't gheslacht van het Mosch pleegh te stellen. In voeghen dat alle dese soorten van ghewas, als eenighe ghelijckenisse met den anderen hebbende, oock te samen in dit ons vijftienste Boeck met recht beschreven sullen worden.