 |
Leesmaar.nl |
Sitemap |
Plantaardigheden.nl |
|
| 1554 | Cruijdeboeck met transcriptie (overgeschreven) |
| A | B | C | D | E | F | G| H | IJK | L | M | N | O | P | QR | S | T | U | V | WXYZ | |
Voorwerk Nederlandse, Duitse, Franse, apothekers-, Latijnse en Griekse namen |
|
Deel 1 Gheslacht, onderscheet, fatsoen, naemen, cracht ende werckinghe Planten Alfabetisch |
|
| Register van die cracht der Cruyden | |
| * Oude Nederlandse namen | |
| * Project Dodoens | |
| Woordenboek Nederlandsche Taal | |
| Plantago PlantIndex | |
| Letter: druk op CTRL, draai ook aan muiswiel | |
| Bijgewerkt 18-02-2015 | |
« Cruijdeboeck deel 1 capitel 31, bladzijde 56-58 Zie volgende pagina »
Van Melc cruyt. Cap. xxxi.
| 1 | |
 |
Glaux maritima - Melkkruid |
| 2 | |
 |
Polygala vulgaris - Gewone vleugeltjesbloem |
|
Melckcruyt daer wy hier af schrijven/ es tweederleye/ met naeme ende fatsoene verscheyden. Dat ierste wordt gheheeten Melckcruyt: Dat tweede Cruysbloemkens. |
||||||||||||||||||||||||||||||||||
 |
|||||||||||||||||||||||||||||||||||
|
1 Dat ierste Melckcruyt heeft cleyn teere steelkens eenen halven voet hooghe/ veele van eender wortelen voortcomende/ daer aen cleyn lanckachtighe bladerkens wassen ghelijck den cleynen ende besonderen bladerkens van den linsen/ ende zijn van beneden witter dan van boven. Die bloemkens comen tusschen die bladeren voort/ van fatsoene den Felieren bloemkens ghelijck/ maer veel mindere/ purpurachtich ende lijfveurwich root van coluere. Die wortel es dun faselachtich ende voortcruypende.
2 Dat ander datmen Cruijsbloemkens nuempt/ es een cleyn cruydeken/ met dunne/ taye houtachtighe steelkens/ ontrent een palme lanck/ op der aerden cruypende/ met smalle cleyne bladerkens/ ghelijck den Linsen oft cleyne Hysope bladerkens becleet/ ende aen die selve dunne steelkens wassen cleyn bloemkens veel by een/ van grootte en fatsoene den Grysecoms bloemen niet seer onghelijck/ van vervwe som bruynpersch/ som hemelblauw/ en som sneewit/ sonder eenighen rueck ende als die afghevallen zijn zoo wassen daer breede teskens/ ghelijck aen Teskens cruyt/ maer mindere/ over beyde zijden met cleyn bladerkens/ ghelijck vlueghelkens bedeckt. Die wortel es dun en houtachtich.
Dat ierste Melckcruyt wast in soute neer waterachtighe plaetsen by die Zee gheleghen/ ende in Zeelant worddet al om veel ghevonden. Die Cruijsbloemkens wassen op dorre heyden/ en ontrent den weghen.
Melckcruyt bloeyet in Braeckmaent ende Hoymaent. Cruijsbloemkens bloeyen in Meye/ ontrent den Cruijsdaghen/ ende daer omme worden zy Cruijsbloemkens gheheeten/ als Hieronymus Bock schrijft. |
||||||||||||||||||||||||||||||||||
 |
|||||||||||||||||||||||||||||||||||
|
Dierste wordt in Griecx ende Latijn Glaux en Galax gheheeten/ dat in duytsche Milchkraut en Melckcruyt te segghen es. Dat tweede heet Polygala, dat es veel Melckscruyt/ met welcken naem dattet niet bekent en es/ want in duytsch worddet Cruijsbloeme gheheeten.
Beyde dese cruyden zijn werm en vochtich/ als Galenus schrijft.
A Dat ierste Melckcruyt in spijse/ dranck/ oft eenighe pottagie/ oft sop inghenomen/ maeckt overvloedicheyt van soch ende van melck/ ende es seer goet den voesters ghebruyckt die luttel sochs in huer borsten hebben. B Dijsghelijck werck doen oock die Cruijsbloemen/ met bladeren ende bloemen inghenomen. |
||||||||||||||||||||||||||||||||||
 |
|||||||||||||||||||||||||||||||||||
|
|