Plantenfoto's

Agrimonia eupatoria - Gewone agrimonie

Kijk eens

op Wolverlei

• https://wolverlei.photoshelter.com/search?I_DSC=
  Agrimonia+eupatoria&I_DSC_AND=t&_ACT=search

op Bioweb KULAK

• https://kulak.kuleuven.be/bioweb/index.php?
  lang=nl&detail=7&titel=
  Agrimonia%20eupatoria%20%20%20%20
  %20%20%20%20%20%20-%20gewone%20agrimonie

Informatie en verkrijgbaarheid op Plantago

• https://plantago.nl/plantindex/plant/BO/A/1/agrimonia-eupatoria/250.html

op internet

• https://duckduckgo.com/?t=ffab&q=
  Agrimonia+eupatoria&iax=images&ia=images

Tfatsoen

Agrimonie heeft langhe aschverwighe hayrachtighe bladeren in veele andere cleyne bladeren verdeylt/ die rontsomme ghekerft zijn/ ende den bladeren van Kempe schier ghelijcken. Sijnen steel es twee voeten oft meer lanck/ rouw/ hayrachtich/ en daer aan wassen veel cleyne geele bloemkens deen boven dandere/ naer de welcke voortcoempt lancachtich rouw saet/ ghelijck cleyne Cliskens nederwaerts hanghende/ die als zy rijp zijn aen die cleederen blijven hanghen/ als zy daer mede gheruert worden. Die wortel es grootachtich/ lanck en swert.

• Cruijdeboeck deel 1 capitel 37 Bladzijde 67

• Cruijdeboeck deel 1 capitel 37 Bladzijde 68

Plaetse

[68]   Agrimonie wast op ongheboude plaetsen/ op rouwe en steenachtighe berghen/ aen die tuynen/ en by den weghen/ en in sommighe bosschen.

Tijt

Agrimonie bloeyet in Braeckmaent ende in Hoymaent. In Ooghstmaent wordt huer saet rijp ghevonde. In Meye salmen die Agrimonie plucken en drooghen/ dieme in der medecijnen ghebruycken wilt.

Naem

Agrimonie heet in Griecx Eupatorion en Hipatorion. In Latijn Eupatorium en Hepatorium. In der Apoteken Agrimonia van sommighen Ferraria minor/ Concordia/ en Marmocella. In Hoochduytsch Odermenig/ en Bruckwurtz. In Neerduytsch Agrimonie/ ende van sommighen Levercruyt. In Franchois Leupatoire ou Aigrimanie.

Natuere

Agrimonie es subtijl van substantien sonder merckelijcke hitte/ suyverende en wat tsamen treckende.

Cracht en werckinghe

A   Agrimonie ghesoden ende ghedroncken/ opent ende suyvert alle verstoptheyt van der leveren/ ende maeckt die lever sterck/ ende es seer sonderlinghe goet teghen die weeckichheyt van der selver.

B   Agrimonie oock in wijn ghesoden es goet ghedroncken teghen die beeten van die fenijnnighe ghedierten/ ende in water ghesoden stelpt zy dat bloetpissen.

C   Tsaet van Agrimonie met wijn ghedroncken es uutnemende goet teghen dat roode melizoen ende den loop des buycx.

D   Die bladeren van Agrimonie ghestooten en met verckens liese ghemenght/ heylen ende ghenesen die oude ongheneselijcke wonden al werm daer op gheleyt.