Naem
[327] 1 Dat ierste ende oprecht gheslacht heet in Griecx Ligysticon/ ende van Galenus Libysticon. In Latijn Ligusticum/ van sommighen oock (als Dioscorides scrijft) Panaces/ met welcken naem nu ter tijt in die Apoteken van Genuen bekent es.
2 Dat ander gheslacht wordt gheheeten in die Apoteke Levisticum/ ende voor dat oprecht Ligusticum ghebruyckt. In Hoochduytsch Lybstockel. In Brabant Lavetse/ tot sommighe plaetsen Levistock. In Franchois Livesche.
Natuere
1 Ligusticum es werm ende drooghe tot in den derden graedt.
2 Laveste es oock werm ende drooghe den Ligusticum van natueren seer ghelijck.
Cracht ende werckinghe
1
A Die wortel van Ligusticum es seer goet tot alle inwendighe pijnen/ tot alle winden sonderlinghe van der maghen/ ende tseghen die beten van der serpenten ende van alle fenijnnighe ghedierten.
B Die selve wortel ende met wijn ghedroncken doet urine ende water maken ende verweckt die natuerlijcke cranckheyt der vrouwen. Tselve doet zy oock van onder ghelijck een pessus gheset.
C Tsaet van Ligusticum verwermt die maghe/ doet die spijse verteeren/ ende es smaeckelijck in den mont/ ende daer om hebben hier voortijts die van Genuen dit saet in huer spijse in plaetsen van Peper ghebruyckt/ ghelijck oock noch van sommighe nu ter doen als Antonius Musa scrijft.
2
D Die wortel ende saet van Lavetse ghedroocht ende met wijn ghedroncken drooghen ende verwermen die maghe/ versueten die pijne ende weedom/ ende stillen die opblasinghen ende winder der selver.
E Die selve wortelen ende saet doen die urine lossen ende verwecken die natuerlycke cranckheyt der vrouwen van binnen inghenomen/ oft alsmense in water siedt ende in een sweetcuyppe daer in badet.
F In somma Lavetse es van crachten ende werckinghen den Ligusticum seer ghelijck/ ende mach daer voor sonder dwalinghen ghebruyckt worden.
G Dwater van Lavetse gh |