Batrachion, Batrachion Apulei, Sint Anthuenis raepken
1644 Vlaams: Antheunis Raepken (Sint) met enckel bloemen, Hanenvoet (Knobbelachtighen)
1616 Latijn: Ranunculus tuberosus
1554/1557: Batrachion Apulei, Grenoillette d'Apuleie, Naveau de Saint Anthoine, Sint Anthuenis raepken
[456] Dit cruyt es oock een gheslacht van Hanenvoet/ het wast ontrent een palme oft twee hooch. Die bladeren sijn seer ghesneden den bladeren van Booterbloemen ghelijckende. Die bloemen sijn schoon geel. Tsaet wast op ronde hoofdekens ghelijck aen die Booterbloemen. Die wortel es wit/ ront ghelijck een cleyn raepken somtijts ghelijck een not groot met aenhanghende faselinghen van onder.
Plaetse
Dit cruyt wast op sandachtighe dorre beempden ende dyerghelijcke grasachtighe plaetsen.
Tijt
Sint Anthuenis raepken bloeyet in Aprill ende in Meye.
Naem
Dit cruyt wordt van Apuleius Batrachion ghenaempt/ ende van den gheslachte van Ranunculus ghesceyden. In Duytsch worddet hier te lande Sint Anthuenis raepken gheheeten.
Natuere cracht ende hindernisse
ADit cruyt es van natueren ende van werckinghe den Hanenvoeten seer ghelijck ende es oock seer hinderlijck inghenomen ghelijck die Hanenvoeten.