Plaetse
[692] Dit cruyt wast in sandachtighe plaetsen die ghebout ende gheoeffent worden/ ende wordt tot veel plaetsen van Brabant/ sonderlinghe ontrent Mechelen schier in alle corevelden ghevonden.
Tijt
In Meerte ende Aprill comen die bladeren van desen Bulbus ierst uut/ ende in Meye die bloemen. Ende achter dat Braeckmaent voorby es/ zoo en wordt van desen cruyde niet meer ghesien.
Naem
Dit cruyt wordt gheheeten in Griecx ende in Latijn Ornithogalum. In die Apoteken eest onbekent. In Neerduytsch hebben wy tselve ghenaemt wit velt Aijeuijn/ om dat gheenen anderen naem ons bekent es.
Natuere
Desen Bulbus es middelmatich werm ende drooch van natueren.
Cracht ende werckinghe
A Dioscorides scrijft datmen desen Bulbus rouw ende ghesoden innemen mach ende voor spijse ghebruycken.
B Desen Bulbus es oock seer heylsaem ende gheneest die versche wonden daer op gheleyt ghelijck die Waelwortele. |