Leesmaar.nl
Dodoens en andere bijzondere boeken

Sitemap
Index

Plantaardigheden.nl
Artikelen over planten

Leeswerk.nl
Plantenboeken opengelegd

Voorwerk Nederlandse, Duitse, Franse, apothekers-, Latijnse en Griekse namen

Deel 1

Deel 2

Deel 3

Deel 4

Deel 5

Deel 6 Van der boomen, haghen, ende alle houtachtighe gewassen, en van huerder vruchten, gummen ende sapen ondersceet, fatsoen, naem, natuere, cracht ende werkinghe Planten Alfabetisch

Ilex aquifolium - Hulst

• Cruijdeboeck deel 6 capitel 34 Bladzijde 754

Tfatsoen

Ilex aquifolium - Hulst Foto Luc Regniers Zie alle foto's van Bioweb Plantengids

Prinos, Ilex, Ilex aquifolia, Oxymyrsine agria, Ruscus sylvestris, Hulst 1644 Vlaams: Hulst 1616 Latijn: Agrifolium [758] 1554/1557: Aquifolia, Houx, Hulst, Ruscus sylvestris, Stechpalmen, Walddistel

Hulst wast dickwils in maniere van haghen onder ander dorenen/ somtijts oock recht op/ ende wordt groote hooghe boomen met dicke struycken ende tacken/ van den welcken het hout seer hert ende swaer es/ in dwater sinckende ghelijck dat hout van Indien/ den welcken dat Hulsthout int aensien niet seer onghelijck en es. Die bladeren van Hulst sijn dick ende hert/ ontrent een Laurus bladt groot maer met vele hoecken/ die scerpe ende stekende dorenen draghen besedt/ ende dese bladeren blijven oock tzoomers ende tswinters gruen gelijck die Bucxbooms ende Laurusbooms bladeren/ ende en verwelckeren niet lichtelijcken. Die vruchten van Hulst sijn ronde besiekens/ ontrent een Erwte groot/ van verwen root/ van smaecke onliefelijck.

Plaetse

Hulst wast hier te lande op rouwe ongheboude plaetsen/ by den weghen ende in die bosschen.

Tijt

Die besiekens van Hulst sijn in den Herfst rijp/ ende blijven noch langhe daer naer staen sonder afvallen.

Naem

Wat naem dat Hulst in Griecx oft Latijn heeft/ en kan men noch ter tijt niet wel sekerlijck weten. Die hoochgheleerde Ruellius meynt dattet een gheslacht es van gheheeten in Griecx Prinos/ In Latijn Ilex ende Ilex aquifolia/ maer niet aquifolium daer Plinius af scrijft/ dat in Griecx Crataegos ghenaemt wordt. Andere maken daer af Oxymyrsinen agriam en sylvestrem Ruscum/ In Franchois wordt hy ghenaemt Hous en Housson/ In Hoochduytsch Walddistel oder Stechpalmen/ Hier te lande Hulst.

Natuere

Die besiekens van Hulst sijn werm van natueren.

Cracht ende werckinghe

A   Sommighe die huer vermeten experientie te hebbene van den Hulst/ segghen dat vijf besiekens van Hulst inghenomen/ goet sijn tseghen dat colica/ ende dat sy camerganck doen hebben.

B   Van der scorssen van Hulst wordt teer ghemaeckt/ daer men die voghelen mede vanght/ waer af dat die maniere van maken bekent ghenoch es.

• Cruijdeboeck deel 6 capitel 34 Bladzijde 755