Deel 6 Van der boomen, haghen, ende alle houtachtighe gewassen, en van huerder vruchten, gummen ende sapen ondersceet, fatsoen, naem, natuere, cracht ende werkinghe PlantenAlfabetisch
[788] Die boomen daer die Fisticien op groyen hebben langhe groote uutghespreyde bladeren van vijf/ seven/ oft meer bladeren tseghen malcanderen over aen een roodachtich ribbeken wassende/ vergaert/ van den welcken dat uuterste dat voor alleen wast dat meeste altijt es. Die vrucht van desen boomen/ es schier ghelijck een cleyn Haselnootken/ seer oock ghelijckende den nootkens van den Pijn appelen/ in die welcke die keerenen ligghen.
Plaetse
Dese boom es hier te lande vremt/ wordt alleen ghevonden in sommighe seer nerstighe cruytliefhebbers hoven. Maer in Syrien ende andere heete landen groeyen sy overvloedich.
Naem
Dese nootkens worden in Griecx ende in Latijn Pistachia ghenaemt/ In die Apoteken nu ter tijt Fistici/ ende daer naer in onse tale Fisticen.
Natuere
Fisticen sijn middelmatich werm ende wat drooghe van natueren.
Cracht ende werckinghe
A Fisticen openen die verstopte levere ende verstercken die weecke/ sy sijn goet ende bequaem voor die maghe/ maer voor spijse inghenomen voeden sy seer luttel.
B Fisticen openen oock die verstoptheyt van der longhene ende van die borst/ ende sijn goet tot den hoest ende cortheyt